PREPARACIÓN

Para empezar, picamos as chalotas en Brunoise fina, cortamos o bacon en dados pequenos e relamos o queixo San Simón da Costa. Cortamos uns liscos lonxitudinais de chourizo é poñémolos a secar no forno.

Preparamos un fondo branco ao que lle agregamos un pouco do líquido dos Grelos de Galicia.

Refogamos a chalota no aceite, engadimos o arroz uns segundos e agregamos o viño DO Rías Baixas deixando que se evapore o alcohol.

Cando o viño DO Rías Baixas se evapore, imos engadindo aos poucos o caldo branco cun cazo, deixamos cocer e removemos constantemente. Repetimos a operación cada vez que o arroz quede seco.

Ao mesmo tempo, cortamos en anacos os Grelos de Galicia cocidos e salteamos lixeiramente os dados de bacon. Cando o arroz estea case cocido, engadimos os Grelos de Galicia picados, o Lacón Gallego cortado en anacos e o bacon salteado. Sazonamos e condimentamos con curry.

Engadimos a manteiga e o queixo DOP San Simón da Costa removendo a mestura ata que se funda.

Para presentalo necesitamos un prato fondo. Nel colocaremos o arroz nun aro e encima o crocante de chourizo.

Listo para gozar na mellor compañía!