PREPARACIÓN

Unha vez teñamos o noso Lacón Gallego desosado, cortámolo en finos liscos. Podemos facelo cun coitelo ou cun cortafriames. É importante que queden finos. Deberiamos cortar dous liscos por persoa.

Poñemos nunha tixola un pouco de aceite de oliva e os Grelos de Galicia cocidos e cortados. Deixamos que se sofritan un pouco e logo engadimos o queixo Arzúa-Ulloa cortado en anacos e o chourizo picado. Mesturamos con coidado. Salpementamos ao gusto e reservamos quente.

Preparamos una crema de garavanzos: para iso, poñemos nun recipiente fondo os garavanzos cocidos con algo da súa auga de cocción, un pouco de aceite de oliva, sal e pementa. Trituramos todo ben ata obter unha crema e reservamos.

Estiramos os liscos de Lacón Gallego, podémolos servir fríos ou pasalos por unha tixola para amornalos, estendemos un pouco da mestura que elaboramos ao principio cos Grelos de Galicia, o queixo Arzúa-Ulloa e o chourizo. Enrolámolo dándolle forma de canelón.

Colocamos na base dun prato un pouco da crema de garavanzos e encima os canelóns de Lacón Gallego.

Hai que servilos mentres o recheo estea quente!