PREPARACIÓN

En primeiro lugar, poñemos a cocer as dúas patacas coa pel e un chisco de sal. Cando estean cocidas, pelámolas e machucámolas cun pouco de aceite de oliva para obter un puré. A este puré engadímoslle un pouco de pemento doce e sal. Reservamos.

Fritimos as tiras de croca de Ternera Gallega cun pouco de aceite de oliva, salpementamos ao gusto e reservamos.

Tostamos as rebandas de Pan Galego por ambos lados. Cando estean, colocámolas nunha bandexa de forno. Encima das tostas de pan poñemos un pouco de puré de patacas, os Grelos de Galicia cocidos enteiros e escorridos, de forma que cubran o puré de patacas (tamén podedes cortalos se vos é máis doado para colocar), logo dispoñemos unhas tiras de Ternera Gallega e unhas lascas de Queixo Tetilla.

Metemos ao forno a gratinar ata que vexamos que o Queixo Tetilla se funde e comeza a dourarse.

Servimos quente.